မောင်လှမျိုး ကဗျာများ(၂)

အတွင်းစံ

ရောင်စုံအိပ်မက်တွေလောက်
မလှပ ပါဘူး
မင်း..........
အပြုံးလေးတွေ
နီးနီးလေးမှာ မြင်ရပြီးတဲ့..
နောက် ..
တခြားရယ်သံတွေ
မကြားချင်တော့ဘူး။

လေမဝင်တော့လောက်အောင်
လှောင်ပိတ်နေပေ့စေ ...
မင်းအနားမှာရှိရင်
အသက်ရှုဝတယ်။

အိပ်မက်သေးသေးလေးထဲ
ကပွဲမလိုဘူး။
ဒီနေရာမှာ ..
ငါ ..ငိုခဲ့ဖူးတယ် ဆိုရင်တောင်၊
မင်းရှိနေမှတော့
ညက .. လှပလွန်းပြီ။
ရောင်စုံအိပ်မက်တွေ ..ဖယ်ပေး
ဒီည ..
ငါ...
ဒီမှာပဲ ...
တစ်ရေးလောက် အိပ်ချင်တယ် ။

မောင်လှမျိုး

နေမဝင်အင်ပါယာ

ဘဝကို
ဇောက်ထိုးရေးထားတဲ့
ကယ်ရီကေးချားတစ်ခုလို
ရုပ်လုံးကြွမလာတဲ့
ကောက်ကြောင်းတွေကြောင့်
တစ်ခါ ..တစ်ခါ
နာနာကျင်ကျင် ရယ်မောမိတယ်။

ကားပျက်သွားတာ
အရေးမကြီးဘူး။
ရှေ့ဆက်မယ့်ခြေလှမ်းတွေ
မရပ်တန့်ဖို့သာ
တောင်းဆိုချင်ပါတယ်ကွယ်။

ဂီတ..မရှိဘဲ
သာယာချင်လွန်းလို့၊
ချစ်သူပြုံးပြမှ
ငါ့(ကမ္ဘာမြေ)
နေထွက်ပါစေတော့ ။

မောင်လှမျိုး

သုညရဲ့တွင်းထွက်ပစ္စည်း

မင်းမရှိရင်
ငါ့အတွက် ၊ဘာမှမရှိတော့ဘူး။
အမောဖောက်ခဲ့တဲ့ ၊
အောင့်သက်သက် နေ့ရက်တွေမှာ ..
မင်းသာ..
ငါ့ရဲ့ အသက်ရှုရာ။
ကြကမ်းတမ်းခဲ့တဲ့
ခက်ထန်စရာ ရာသီဆိုးထဲမှာ
မင်းသာ ..
ငါ့ရဲ့ လဲလျောင်းရာ ။

လှိုင်းထန်ခဲ့တဲ့
ထိတ်လန့်စရာ မုန်တိုင်းများကြားမှာ ..
မင်းသာ ..
ငါ့ရဲ့ ကယ်တင်ရာ ။

မွန်းကျပ်ခဲ့တဲ့
ရင်နင့်စရာ နေ့ညများစွာမှာ ..
မင်းသာ ..
ငါ့ရဲ့ .. ရင်ဖွင့်ရာ ။

မင်းမရှိရင် .. အသက်ရှုမဝဘူး
မင်းမရှိရင် ..လဲလျောင်းရာ
နေရာမရှိဘူး
မင်းမရှိရင် .. ကယ်တင်မယ့်သူ မရှိဘူး
မင်းမရှိရင် ..စကားပြောဖော်မရှိဘူး
မင်းမရှိရင်
ငါ့မှာ ..
ဘာမှ မရှိတော့ဘူး ။

မောင်လှမျိုး

မှော်မင်းသမီး (၁)

ကခုန်ဖို့
ဂီတ ..မလိုဘူး
ရယ်မောသံစဉ်ကြား
ဆံပင်ဖားလျား ချထားရုံနဲ့
ပုံပြင်ထဲက နတ်သမီးလို
ညကို ...
ချိုမြိန်စေခဲ့ပြီ။

မှိန်ပျပျ
ဘဝ.. မီးအလင်းရောင်
ငါ့ကို
မမြင်ချင်ယောင်ဆောင်ထားပါ။

ကြားနေသံ
ဂီတ။
ငါ..မကချင်ဘူး။
သူ့ရဲ့
အာရုံ..အညွန့်အဖူးထဲမှာ
ငါ့စိတ်ဝိညာဉ်
မြှုပ်နှံလိုက်ပြီ။

သူနဲ့
စုံတွဲက..ဖို့
ခဏလောက်
မီးတွေ မှိတ်လိုက်ပါ။

မောင်လှမျိုး

ကျားကွက်

ကောင်မလေး
တချို့က၊
ဦးလေးကြီးတွေကို
ပြုံးပြတယ်။

ဦးလေးကြီးများက
အဲ့ဒိ အပြုံးတွေကို
အရက်ခွက်ထဲ
ရောထည့်မွှေနှောက်
မူးအောင်သောက်တယ်။

ဘာမှ..
အလကားမရဘူးဆိုတာ
သိထားလျက်နဲ့
စစ်တုရင် ကစားကြတယ်။

ကျွန်တော်...
အရက်မသောက်ဘဲ
အံဖတ်ဆို့တယ်..။ ။

မောင်လှမျိုး

မြို့ပြမြိုင်ထ နှစ်ပါးခွင်

တစ်ခန်းရပ်
ပြဇာတ်ဆိုရင်လည်း ..
ပြည်ဖုံးကားသာ
ချလိုက်ချင်ပါတော့တယ် ။

ဘ၀ ဆိုတာကလည်း
သူ့အကန့်နဲ့ .. သူ
ခွေးသွားစိပ်တွေနဲ့
လည်ပတ်နေသလိုမျိူး
နှာစေး .. ချောင်းဆိုးဖို့တောင်
အချိန်မရတော့
ခက်တယ် ။

ချစ်သူ ဆိုတာကလည်း
သူ့အကြောင်းနဲ့ .. သူ

အိပ်မက်တွေ ထဲ
မျက်ဖြူလန်နေသလိုမျိုး
( စီးပွားရေးတိုးရှာနေရလို့ )
ချိန်းတွေ့ ခိုးနမ်းဖို့တောင်
အချိန်မပေးနိုင်တော့
ခက်တယ် ။

လောက ဆိုတာကလည်း
သူ့လှည့်ကွက်နဲ့ .. သူ
မာယာ အပေါင်းနဲ့
ခညောင်းနေသလိုမျိုး
(တန်ဖိုးများလွန်းတဲ့
ဇိမ်ခံကားကြီးတွေနဲ့ )
လက်ယပ်ခေါ်ကမ်းလှမ်း ဖို့ရာ
အသပြာမရှိတော့

ရှက်တယ် .. ။

မောင်လှမျိုး

လွမ်းတဲ့လမ်း

လွမ်းတဲ့လမ်းမှာ
ပန်းလည်း မပွင့်
ရင်နင့်စရာ..။

လွမ်းတဲ့လမ်းမှာ
ရွက်သစ်မဝေ
ရွက်ခြောက်တွေဝဲ
ကြေကွဲစရာ ..။

လွမ်းတဲ့လမ်းမှာ
စမ်းလည်းမစီး
ဝမ်းနည်းကြီးမား
သီးခြားကမ္ဘာ..။

လွမ်းတဲ့လမ်းမှာ
ချစ်သူမတွေ့
မပျော်မွေ့ဘူး.. ။
ရင်မှာစူးလျက် ရူးချင်စရာ .. ။

လွမ်းတဲ့
လမ်းမှာ ........
................. ။ ။

မောင်လှမျိုး

ကိုးမိန့်

အသည်းမာတယ်ထင်လို့
ရင်ခွင်ကို
အမုန်း နဲ့ ထိုးဆွလိုက်မိတာ
နာကျင်စရာ
သူ့မျက်နှာလေး
ပြုံးနေပြန်သေးတယ်

မုန်းလို့မရဘူးဆိုမှတော့
ဘ၀ရဲ့ ကြိုးဝိုင်းအတွင်းမှာ
မင်းတယောက်တည်းသာ
ငါ့ကို ..........
အလဲ ထိုးလိုက်ပါ

မရုန်းတော့ဘူး
အမုန်းပျော့ပျော့လေးရဲ့
ရိုက်ချက်နဲ့တင်
ကမ္ဘာပျက်မတတ်
ခံစားရတဲ့သူပါ

ချစ်တယ် .. လို့
ပြောပြီးပြီပဲ
မင်းလုပ်သမျှ
ကျေနပ်တယ်

ကြိုးတချောင်း
ငြိတွယ်နေမိမှတော့ ..
မင်း .. ဆွဲရာ
က ဖို့ ..
ဘ၀ကို အမိန့်ပေးလိုက်ပြီ

မောင်လှမျိုး

အယူခံလွှာ

လမ်းခွဲစကား
ဝမ်းနည်းခါးသက်
ဓားထက်ထက် .. ခွဲ
မကြားရက်လည်း
ကြားခဲ့ပြီ ။

လမ်းခွဲသတင်း
ဝမ်းနည်းခြင်းဖြစ်
မြားနှင့်ပစ်ခွင်း
ရင်တွင်းပြိုကွဲ
မကြားရဲလည်း
ကြားခဲ့ပြီ ။

ခွဲရက်သူက
ကွဲအက်ပျက်သုန်း ၊ မုန်းဖို့ကြေညာ
မနေသာဘူး
အချစ်ဦးရယ် ။

ရူးရူးမိုက်မိုက်
စူးစိုက်သည့် .. ဓား၊ ခွင်းသည့်မြားကို
သနားငဲ့ညှာ ၊ စာနာကိုယ်သိ
ငိုသည့်မျက်ဝန်း ၊ အံကိုတင်းကာ
ချက်ချင်း အမြန် နှုတ်ပေးပါ .. ။ ။

မောင်လှမျိုး

ငိမ်းချမ်းရေး ကြေငြာစာတမ်း

ရန်ဖြစ်ပြီးမှ
ပြန်ချစ်ကြတာ
သဘာဝ ပါကွယ်။

စစ်ဖြစ်နေတဲ့ ကာလ
အချစ်မျက်ရည်တွေ
အခါခါကျတော့ ..
ရင်ထဲက
တသသ နာလွန်းတယ်။

အခွဲနိုင်မှန်း သိလျက်နဲ့
စကားနိုင်လု ၊
သ၀န်တိုမှုတွေ
တဖြည်းဖြည်းစု

စိုးရိမ်ပူပန်မှုတွေ က....
မြင့်သထက်မြင့်
ရန်ဖြစ်တဲ့ အဆင့်ကို
မာန်ဝံ့ပြီး တက်ခဲ့ကြတာ
ဘယ်သူမှားသလဲ ကွယ် ။

အချစ်ရယ်..
ရန်မဖြစ်ကြေး
ပြန်စစ်ဆေးကြမယ်ဆိုရင် ..
နင်လည်း .. နာ ၊ ငါလည်း ..နာ
နင်လည်းလွမ်း .. ငါလည်း လွမ်း
နင်လည်း .. ငို၊ ငါလည်း..ငို
ကမ္ဘာပြိုမတတ်ပါဘဲကွယ်။

ချစ်သူ အချင်းချင်း
တိုက်တဲ့စစ်
မုန်းလို့မှ မဖြစ်ဘဲ ။

မုန်းမေ့လို့ မရကြမယ့် အတူတူ
( စစ်မဖြစ်ကြေး )
ဟော့ဒီ အချစ်လက်ရေးနဲ့
( ငြိမ်းချမ်းရေး သ၀ဏ်လွှာလေး)
နင့်ကို .. ပေးလိုက်ပါရစေ။

နေ့လည်း.. လွမ်း ၊ ညလည်း ..လွမ်း
မျက်ရည်တစမ်းစမ်း နဲ့
ရန်ဖြစ်ပြီးမှ ၊ ပြန်နမ်းမိတဲ့ .. အနမ်း
ငါ့ရင်ထဲ
ပိုလွမ်းသွားရပြန်ပြီကွယ် ။

မောင်လှမျိုး

ဒဿဂီရိ

မင်းမှာ
တယ်လီဖုန်း ( ၁၀ ) လုံး
ရှိတယ် ဆိုပါတော့။
အဲ့ဒိ တယ်လီဖုန်းတွေ ထဲက
မင်း .. နားထောင်ရမယ့်
အသံဆိုလို့
ကိုယ့်တစ်ယောက်တည်းရဲ့ အသံပဲ
ုဖြစ်ပါစေလား ။

မင်းမှာ ..
သံယောဇဉ် ( ၁၀ ) ခု
ရှိတယ် ဆိုပါတော့ ..။
အဲ့ဒိ သံယောဇဉ် တွေက
မင်း .. အတွယ်တာသင့်ဆုံး
သံယောဇဉ်ဆိုလို့
ကိုယ့်တစ်ယောက်တည်းရဲ့ သံယောဇဉ်ပဲ
ဖြစ်ပါစေလား။

မင်းမှာ ..
ဒဿဂီရိလို
ဦးခေါင်း ( ၁၀ )လုံး
ရှိတယ်ဆိုပါတော့ ...။
( အဲ့ဒိလောက်များပြားတဲ့ )
မျက်နှာတွေထဲက
မင်းရဲ့ ...
ချစ်တတ်တဲ့ အသည်းနှလုံးဟာ
(ကိုယ့်တစ်ယောက်တည်း အတွက်)
( ၁ ) ခုတည်းပဲ ဖြစ်ပါစေသား။

မောင်လှမျိုး

အနီးကပ်နွေ

နာမှာစိုးလို့
အငြှိုးမထား
ရိုးသားစွာ ရိုက်
အသည်းခိုက်စေ ..။

မုန်းမှာစိုးလို့
အရှူံးမမြင်
ပြုံးရွှင် ..ရင်ပျိုး
မျှော်ကိုးထိုက်စေ ..။

ဝေးမှာစိုးလို့
အတွေးမရဲ
ရင်ထဲစိုးထိတ်
အအိပ်ခက်နေ။

လွမ်းမှာစိုးလို့
စက္ကန့်မလပ်
ထပ်ချပ်မခွာ
သူ့ခြေရာ .. နင်း၊ မြတ်နိုးခြင်းအား
သူ ..စိတ်မနာ၊ သူ..မြင်သာဖို့
အကြင်နာ..နွေ၊ ခင်တွယ်စေချင်
သည်ဖြစ်အင်တွေ ..
သခင့်ရင် ထဲမြဲပါစေ .. ။ ။

မောင်လှမျိုး

ရေသေ

မင်းဟာ .. ငါ့ရဲ့ .. ဂီတ
ငါ့ရဲ့ ..သီချင်း
ငါ့ရဲ့ အလင်္ကာ ။

မင်းသာ ..
ငါ့ရဲ့ .. အကြင်နာ။

မင်းဟာ ငါ့ရဲ့ .. မနက်ခင်း
ငါ့ရဲ့ ..လမင်း
ငါ့ရဲ့ .. ကောင်းကင်

မင်းသာ ..
ငါ့ရဲ့ ဘ၀
ငါ့ရဲ့ ... အနာဂတ်
ငါ့ရဲ့ ..နှောင်ကြိုး။

ငါကတော့ ..
မင်းကူးခတ်ရာ ရေပြင်ကျယ် .. ။

မောင်လှမျိုး

ဝရန်တာ

သူနဲ့ ကျွန်တော်
ဝရန်တာပေါ်ကနေ
လက်ပြ နှုတ်ဆက်
လွမ်းတဲ့ .. မနက်တိုင်း
( တယောက်နဲ့ တယောက်)
ငေးကြည့်ကြတယ် ။

သူ့ကို ..
( သူ့ရဲ့ ၀ရန်တာလေးမှာ)
တွေ့ရတဲ့အခါ ..
အဲ့ဒိမနက်ခင်း
ငှက်ကလေးတွေ သီချင်းဆိုကြတယ် ။

သူ့ကို
မတွေ့ရတဲ့အခါ ..
အဲ့ဒိ မနက်ခင်းမှာ
(ကျွန်တော် ရပ်နေတဲ့ )
ဝရန်တာကြီး ပြိုသွားတယ် ။

ငှက်ကလေးတွေလည်း
ထွက်ပြေးသွားကြတယ် ။

မောင်လှမျိုး

စတော့ဈေးကွက်

ချစ်ခွင့်မပိုင်
ခွေယိုင်မကျ၊
ဘ၀ .. မာန်တင်း
မျှော်လင့်ခြင်းများ
ကျန်နေသားကွယ် ။

ချစ်သူပစ်ခွါ
ရင်နင့်နာလည်း၊
မာယာရေကြော
မလွင့်မျောဘူး ။

တောအထပ်ထပ် ၊ တောင်အသွယ်သွယ်
နွယ်အခွေခွေ ၊ ရှုပ်ထွေးနေလည်း ..
မကြေမကွဲ ၊ နေရဲကြသည် ။

ရင်ခွင်ကိုခွဲ
အသည်းကို .. ထုတ်
အလုပ်လုပ် ဖို့
စက်ရုပ်လေးတွေ များလာပြီ ။ ။

မောင်လှမျိုး

အမုန်းအောက် ရောင်ခြည်

ချစ်သူ ... ပြုံးပြလိုက်ရုံနဲ့
ကိုယ့်ရင်ခွင် တစ်ခုလုံး
ငြိမ်းအေး သွားရတယ် ။

( ဘယ်လောက်အထိ လဲ . .ဆိုရင် )
ချစ်သူ့ အပြုံးကြောင့်
ကမ္ဘာတစ်ခွင်လုံး
ပန်းပွင့်လေးတွေ
ဖုံးလွှမ်းသွားသလိုပါပဲ ။

ချစ်သူ့မျက်နှာ
တင်းမာနေတဲ့ အခါ ..
ကိုယ့်စိတ်တစ်ခုလုံး
လေးလံ ထိုင်းမှိုင်း
မျက်လုံးလှိုင်း တွေ
ရိုက်ခတ်စေတယ် ။

( ဘယ်လောက်အထိလဲ .. ဆိုရင် )
ချစ်သူမပြုံး
ထို .. အမုန်းကြောင့်
လောက တစ်ခွင်လုံး
အလင်းရောင် တွေ ..
ဆိတ်သုဉ်း သွားရပါလိမ့်မယ် ။ ။

မောင်လှမျိုး

သံရောဇဉ် သင်္ကေတ

လမ်းအခွဲမှာ
ဝမ်းနည်းစွာ .. နမ်း၊
နှုတ်ဆက်လှမ်းခက်
လွမ်းရေးခက်သည် ..။

လွမ်းရေးခက်လည်း
ရင်ခွင်အက်နာ
အကြင်နာကင်း
မာန်တလင်းကြောင့်
နှုတ်ဆက်သီချင်း ဆိုခဲ့ပြီ ။

နှုတ်ဆက်လက်ပြ
သက်တမျှ ..သူ
မြတ်နိုးအငွေ့
မခြောက်သွေ့သေး
သည် အတွေးကြောင့်
အပြေးဖတ်လျက်
ငိုမိသည် ........။

မောင်လှမျိုး

ရန်သူတော်များ စာရင်း

မင်းကို
ချစ်မိတဲ့ နေ့က စပြီး
အရာရာကို မနာလိုတော့ဘူး ။

ဆံပင်တွေကို
ခိုးခိုးနမ်းသွားတဲ့ .. လေပြည်
ပါးပြင်ပေါ်
တိုးတိုးကပ်သွားတဲ့ .. နေခြည်၊
မင်းမျက်နှာကို
မော့မော့ကြည့် နေကြတဲ့ .. ပန်းပွင့်တွေ
အားလုံးကို မနာလိုတော့ဘူး ။

မင်းကို ..
ချစ်မိတဲ့ နေ့ကစပြီး ....
ရန်သူတွေ ပိုများလာပြီ ။

မင်းကို .. ငေးကြည့်တဲ့ကောင်
မင်းကို .. စကားလာပြောတဲ့ ကောင်
မင်းကို .. ကမ်းလှမ်းတဲ့ကောင်
မင်းကို .. နောက်ပြောင်တဲ့ ကောင်
အားလုံးကို
ငါ .. မကျေနပ်ဘူး ။

ဒီလိုနဲ့ပဲ
အားလုံးဟာ .. ငါ့ရန်သူ ။

ငါဟာ ..
အားလုံးရဲ့
ရန်သူတစ်ယောက်
ဖြစ်သွားရတော့တယ် .. ။

မောင်လှမျိုး

အချစ်သုတေသန

နေမ၀င် အင်ပါယာကြီး
တစ်ခုအပေါ် ....
အချစ်ငှက်တစကောင်း
အတောင်ပံ ဖြန့်ပြီး
အုပ်မိုးလိုက်တဲ့အခါ ..
အဲ့ဒိ ..
နေမ၀င်အင်ပါယာ တစ်ခုလုံး
နေရောင်ခြည်
ဆိတ်သုဉ်းသွားလိမ့်မယ် ။
( အချစ်ဟာ..
တန်ခိုးရှင် ) ။

အချစ်ဟာ
အတောင်ပံ ဖြန့်ကားပြီး
ကမ္ဘာတစ်ခွင်လုံးကို
သိမ်းပိုက်ထားတတ်ပါသေးတယ် ။
( အချစ်ဟာ ..
စွမ်းအားရှင် )

အချစ်ကို ... တားလို့မရ
အချစ်ကို .. ပိတ်ပင်လို့မရ
အချစ်ကို ... ဆုပ်ကိုင်လို့မရ
အချစ်ဟာ
ရုန်းထနေတဲ့ ( သူရဲကောင်း )
မြူကြွနေတဲ့
( အောင်လံတော် ) ။

အချစ်ဟာ..
စကြ၀ဠာ တစ်ခွင်လုံးရဲ့
ရင်နစ်သည်းချာ ..
ပင်လယ်ပြာပြာတို့ရဲ့
မိုးကုတ်စက်ဝိုင်း ..
ချစ်သူတို့ရဲ့
မဟာတံတိုင်း ..။
သံယောဇဉ်တို့ရဲ့
အကိုင်းအခက်
အသီး အပွင့်
အငုံအဖူး
( နှလုံးသားအားလုံးရဲ့
တမန်တော် ) ။

ဒီလိုပါပဲ
ငိုရှိုက်ခဲ့ကြရတဲ့
မျက်ရည်တွေ
ကြေမွခဲ့ကြရတဲ့
အသည်းနှလုံးတွေ အတွက်တော့
အချစ်ဟာ ..
(အပြစ်အရှိဆုံး တရားခံ)။ ။

မောင်လှမျိုး

တူစုံမောင်နှံ

မင်း ....,
ဒေါသဖြစ်နေရင်၊
ငါဘယ်လောက် ..မှန်မှန်
မင်း .. ပြောသမျှ
နာခံပါ့မယ် ။

ငါ ..
ဒေါသဖြစ်နေရင်
မင်း .. ဘယ်လောက် .. မှန်မှန်
ငါ .. ပြောသမျှ
မင်း .. ငြိမ်ငြိမ်လေး
နေပေးတတ်တယ် ။

အဲဒါ ..
ဘာဖြစ်လို့လဲ
သိလား။
တိုက်ပွဲက
ဘယ်လောက်ပဲ ပြင်းထန်ပြင်းထန်
ပဋိပက္ခ
ဘယ်လောက်ပဲ ကြီးမားကြီးမား၊
တို့နှစ်ယောက်က
တသီးတခြား
ခွဲထားလို့မရတဲ့
ချစ်သူ မောင်နှံ။ ။

မောင်လှမျိုး

နမ်းခွင့်ပေးတဲ့ နေ့

အချစ်ဟာ
ညစ်ညမ်းသလားဟင် ။

ဘ၀ဆိုတာ
အချိန်တွေနဲ့ တည်ဆောက်ထားတာဆိုရင်
အဲ့ဒီ အချိန်တွေ အကုန်လုံးမှာ
ခန္ဓာကိုယ် တစ်ခုလုံး ပုံပေးထားချင်တယ်။

မှန်ရာကို ပြောပါရစေ ..
အချစ်ဟာ .. ညစ်ညမ်းမှု မဟုတ်ဘူး
ဒါပေမယ့်
သန့်ပြန့် ဖြူစင်တဲ့ ပန်းတစ်ပွင့်ကို
ကြည့်မြင်မြတ်နိုးနေလျက်က
တပ်မက်မှုတွေ
ဖြစ်စေခဲ့ပြီ ။

ဒါပေမဲ့
မွှေးကြူမိတဲ့ ..ပန်း
လန်းဆန်းမြဲသာ လန်းဆန်းပါစေကွယ် ။

မောင်လှမျိုး