ကံကြွေးရှိသမျှ ဒီဘဝနှင့် ကျေကြပါစေ

“မကြီးရယ် မုန့်ဖိုးလေး ၅၀…၁၀၀ လောက်ပေးပါ…သမီးထမင်းမစားရသေးလို့ပါ”

မျက်စိရှေ့ဝယ် လက်ကလေးဖြန့်ကာတောင်းနေသောကလေးငယ်ကိုကြည့်ရင်း စိတ်ပျက်စိတ်ညစ်စွာ မျက်နှာလွှဲထားမိသည်။ ဒီဆိုင်လေးသည် အတော်ပင် ရောင်းကောင်းသော အေးဂျင့်ကုန်စုံဆိုင်လေးဖြစ်ပြီး ဆိုင်ရှေ့ဝယ် ထိုသို့သော ကလေးငယ်တွေ မနက်ည ရှိနေတတ်သည်မှာ စိတ်ပျက်ဖွယ်ရာပင်။ အခုနောက်ပိုင်း ပိုပိုစိတ်ညစ်ဖွယ်ရာကောင်းလာသည်က အရင်ထက် ပိုမိုရဲတင်းကာ

အိကျီ င်္စကို လက်နှင့်ဆွဲ၍ တောင်းတတ်ခြင်းပင်။

သူမထိုသို့သော ကလေးငယ်တွေကို မုန့်ဖိုးပေးလေ့မရှိပါ။ အကျင့်ပါသွားမှာစိုး၍ပင်။ မနက်ခင်းဈေးသွားချိန်ဝယ် ထိုသို့သော နွမ်းပါးသည့် ကလေးငယ်များ ပန်းရောင်းတတ်သည်။ ထိုအချိန်တွင်မတော့ အားပါးတရကို ဝယ်ယူလိုက်သည်။

တစ်ခေါက် လမ်းရှေ့ဝယ် အမှိုတ်ကောက်နေသော ကလေးတစ်ချို့ကိုခေါ်ကာ အဝတ်အစားပေးဖူးသည်။ သို့သော် သူတို့ တစ်ဆင့်တက်မေးသည်က သူမတူမလေးစီးနေသောဖိနပ်လေးကိုပါ ပေးလို့မရဘူးလားဟင်..ဆိုတော့။ ပေးတော့ပေးဖြစ်ပါသည်။ နောက်တစ်ခါခေါ်ဖို့တော့ အလွန်အင်မတန် စဉ်းစားရမည်ပင်။

“မကြီး ဆန်က ၁၅၀၀၊ ကြက်ဥက ၅လုံး ၆၀၀ အားလုံးပေါင်း ၂၁၀၀ ပါ”

ငွေ ၂၁၀၀ ကိုထုတ်ပေးရင်း စိတ်ချမ်းသာစွာ ထွက်လာခဲ့သည်။ ဘာပဲပြောပြော ထိုကလေးငယ်တို့ကို မြင်ရခြင်းမှ လွပ်လပ်လာခဲ့ပြီမလား။

………………………………………

“မကြီးရယ် ထမင်းဖိုးလေး ဟင်းဖိုးလေးများပေးခဲ့ပါ”

နားတို့ကို တင်းကျပ်စွာ ပိတ်ထားလိုက်ချင်မိသည်။ ဒီကလေးငယ်တွေ နေရာတိုင်းမှာရှိနေသည်လား။ မြို့ထဲသို့ အသွားကတည်းက ကြားခဲ့ရတဲ့ ဒီအသံ မှတ်တိုင်တိုင်းနီးပါးမှာ။ အခု အပြန်တွင်လည်း မရပ်နိုင်သေး။

ထူးဆန်းတာက သူတို့ဘေးနားဝယ် သူတို့နှင့် ပုံစံတူ မိန်းကလေးတစ်ယောက်ရှိနေခြင်းပင်။ မိန်းကလေး ဟုဆိုရခြင်းကတော့ အသက်မှန်းကြည့်ရလျှင် ၂၅ ဝန်းကျင်တော့ ရှိမည်သာ။ သူမဘေးနားဝယ်မတော့ ကလေးမလေးတွေ ရှိနေသေးသည်သာ။ ငါးနှစ်အရွယ်ကလေးမလေးတွေနှစ်ယောက်ရယ်။ ဒီကြားထဲ ရင်ခွင်ပိုက်တစ်ယောက်ရယ်။ နောက် စူပုံ့နေသော ဗိုက်ကလေးက သိသာနေစေသည်မှာ နောက်တစ်ယောက်ဟု။ သက်ပြင်းအသာအယာ ချလိုက်မိသည်။

“အဲဒီမိန်းခလေးက ဒီနားမှာ အမြဲရှိနေကျပဲလေ..ဒီနားမှာနေတဲ့ ကျွန်မအသိပြောတာကတော့ ကလေးမလေးတွေ အမေတဲ့…တောင်းစားခိုင်းထားတာလို့ပြောတာပဲ..ပိုက်ဆံရရင်လည်း သူသာ အဝအပြဲစားတာတဲ့တော့…ကလေးလေးတွေကိုကျတော့ သူစားပြီးမှ ကျွေးတာတဲ့..”

ရင်ထဲတွင် နင့်ခနဲ။ ဘေးနားက အဒေါ်ကြီးနှစ်ယောက်ပြောသော စကားသံ။

မကြားချင်။ မသိချင်။ ဒီလိုဖြစ်ရပ်မျိုးမြောက်များစွာရှိမှန်းသိသော်ငြား မျက်စိရှေ့ဝယ်မတွေ့ချင်ပါ။ ကြည့်လိုက်ပါဦး။ ကျောင်းနေအရွယ်လေးတွေ။ မိဘဆိုတာကို လက်ညိုးလေးထိုးရွေးခွင့်ရခဲ့ကြရင်ဖြင့် ဘယ်လောက်ကောင်းလိုက်လေမလဲ။

………………………………………..

မိသောင်းကိုချစ်ကြည်သနားစွာ ကြည့်နေမိသည်။ အဝက်အစားပေးတိုင်းလည်း ကျေးဇူးတင်ပါတယ်..ဟု အထပ်ထပ်ပြောကာယူတတ်သူ မိသောင်း။ ပါးစပ်ကလည်း စိုင်းစိုင်းခမ်းလှိုင်၏ တောဂေါ်လီ ဆိုသည့် သီချင်းကို အဆက်မပြက် အော်ကြီးဟစ်ကျယ်ရွတ်တတ်သူ။

“အားလုံးတတ်ကြ ငါ့ထော်လာဂျီ ငါ့ကိုမိန်းခလေးများ အော့ကြောလန်သည် ရွာမြောက်ဘက်ပိုင်းကတော့ သိပ်မကြည် ငါ့နာမည်က တောဂေါ်လီ”

အခုလည်း ဒီသီးချင်းပဲရွက်ကာထွက်သွားပြန်ပါသည်။ ခန္ဒာကိုယ်လေးလှုပ်တုပ်လှုပ်တုပ်နှင့်။ သနပ်ခါးလေးအဖွေးသားနှင့် မိသောင်း ရုပ်လေးကလည်း သန့်သည်။ သို့သော်ငြား ဘဝကံအကျိုးပေးကြောင့်လားမသိ။ စိတ်လေးက မနှံ့ရှာ။ မိဘမောင်ဖွားရယ်လည်း မ၇ှိရှာဖူးထင်ပါရဲ့။ ဒီလိုပဲ အရပ်တကာ လှည့်သွားနေသလားကွယ်…စိတ်ထဲ မသက်မသာတွေးမိရင်း သက်ပြင်းမောတစ်ချက် ချမိလိုက်သည်လေ။

……………

ဟောတော်…..မြင်နေရတဲ့ မြင်ကွင်းက မယုံနိုင်စွာ။ မိသောင်း ကလေးတစ်ယောက်နှင့်။ သူ့ကလေးမှန်းသိသာစွာ သူနှင့် ရုပ်ချင်းဆင်စွာပဲ အသားဝါဝါချောချောလေး။

မိသောင်း ပျောက်သွားတာတော့ အတော်ကြာပါပြီ။ တစ်နှစ်ကျော်လောက်တော့ ရှိမည်ရယ်ပေါ့။ အခုတော့ ကလေးတစ်ယောက်နှင့် ပြန်ပေါ်လာပြီ။

ဘယ်လိုမကောင်းတဲ့ လူ့မိစ္စာလည်းကွယ်။ နှမချင်းမစာနာ။ အကျိုးအကြောင်းကို အသေအချာမသိရသော်ငြား၊ မိသောင်းထံက မေးမရသော်ငြား တွေးကြည့်ရုံနှင့် သိသာပါသည်လေ။

“အို..မပေးဘူး..မပေးဘူး..မပေးနိုင်ပါဘူး..တော်လိုချင်ရင် တော့်မိန်းမကို ကျုပ်လိုမျိုး ဇရပ်မှာ အိပ်ခိုင်းပါ့လားတော့ ဒါ ဇရပ်စောင့်နတ်ကြီးက ကျုပ်ကို…ပေးတာ ဘယ်သူ့မှ မပေးနိုင်ပါဘူး..သွား ကျုပ်သားလေးနား ကပ်မလာကြနဲ့”

ရယ်ဖို့ရာစကားလို့ပင် မသတ်မှတ်နိုင်ကြ။ မိသောင်းကို ကလေးပေးမလား ဆိုပြီး စနေတဲ့ ဘေးအိမ်ကလင်မယားနှစ်ယောက် မိသောင်းကိုကြည့် ငိုင်သွားလိုက်ကြတာ။ သူမ ရင်ထဲလည်း နင့်ခနဲ။ မိသောင်း ရယ်…..ဟုသာ။ နောက် မိသောင်းကို လင်မယားနှစ်ယောက်က လိုက်ချော့ကာ ကလေးဖို့ ပစ္စည်းတစ်ချို့ ပေးနေတာ တွေ့ရတော့မှ သူမလည်း သတိရစွာ မိသောင်းကို ဘာပေးရမလဲဟု အဝတ်အစားတစ်ချို့ ထုတ်ကြည့်မိပြန်ပါသည်လေ။

“ဟဲ့ မိသောင်း ထောလာတယ်ပေါ့”

“ထောပါဘူး အစ်မရယ် သူတို့က ပေးတာနဲ့ မတန်အောင် ကျွန်မ သားလေးကို တောင်းကြတယ်လေ။ ကျွန်မကလည်း ပေးနိုင်ပါဘူး အစ်မလည်း မတောင်းရဘူးနော် တောင်းရင် အစ်မကိုလည်း မခေါ်တော့ဘူး”

“အေးပါအေ အေးပါ မတောင်းပါဘူး ရော့ ဒါက ညည်းဖို့ ဒါက ညအိပ်ရင် ခြုံဖို့စောင်”

….

ပျော်ရွှင်စွာထွက်သွားသော မိသောင်းလေးကိုကြည့်ရင်း သူမလည်း အိမ်ထဲ သို့ ပြန်အဝင် တစ်ဖက်အိမ်သို့ ပြန်ကြည့်လိုက်တော့ သူမလိုပင် မိသောင်းကို ငေးကြည့်နေဆဲ လင်မယားနှစ်ယောက်။ အကြည့်ချင်းဆုံသွားဖြစ်ကြတော့ တစ်ယောက်နှင့်တစ်ယောက် နားလည်စွာဖြင့်။ မိသောင်းအတွက် ခံစားချက်တို့ ကိုယ်စီ ကို အသီးသီးထုတ်ပြောစရာမလိုပါပဲ ဖလှယ်လိုက်မိကြသည်။

ဒီနောက်ပိုင်း လာတိုင်း မအေနှင့်သား သနပ်ခါးအဖွေးသားဖြင့်။ သူ့သားလေး ရင်ခွင်ပိုက်လေးကိုဖြင့် မိသောင်း ဘယ်လောက်ချစ်မှန်းသိသာသည်လေ။ အခုတော့ ရင်ခွင်ပိုက်လေးလည်း လမ်းစမ်းလျှောက်နေချေပြီ။ တစ်နှစ် မကျော့်တကျော်ဆိုတော့လည်း လမ်းလျှောက်သင်နေချေပြီပေါ့။ မိသောင်းကို လည်း မေမေ..မေမေနှင့်မပီကလာပြောသည်ကို ဒေါ်မိသောင်းက သူမတို့နားရောက်တိုင်း ကြွားနေကျ။ ကလေးလိုချင်သည့် ဘေးအိမ်က လင်မယားရှေ့မှာ သူ့သားလေးကို လမ်းလျှောက်သင်ပြနေကျ။ သူမ ပေးထားသည့် အဝတ်အစားတို့ကို မိသောင်းဝတ်သော်လည်း ကလေးအတွက်မူ ဘယ်လိုစုသည်မသိ။ အဝတ်အစားသစ်တို့ဖြင့်။ ကလေးချစ်သူများက ဝယ်ပေးသည်ထင်ပါရဲ့။

တစ်ကယ်တမ်းတွေးကြည့်လျှင်တော့ ကလေးရှေ့ရေးအတွက် ရင်လေးစရာ။ ဒါပေမဲ့လည်း သားအမိနှစ်ဦး လောလောဆယ်တော့ အဆင်ပြေနေကြသည်လေ။

…….မိသောင်းမလာတာတော်တော် ကြာသွားပြီ။ သူမတို့ တစ်လမ်းလုံးနီးပါးလည်း မိသောင်းကို သတိရစွာ။

။။။

သူငယ်ချင်းက သူ့မြေကွက်ကိုပြရန် ဒီရပ်ကွက်လေးဘက်သို့ ခေါ်လာခြင်းပင်။ နည်းနည်းတော့ ချောင်ကျပါသည်။ သူမမှာ ငွေပိုငွေလျှံလေးရှိတုန်း ဝယ်ရင်ကောင်းမလား စဉ်းစားကြည့်ပြီး လိုက်ကြည့်ခြင်းသာ။ ချောင်ကျလွန်းသည့်အပြင် လမ်းကလည်း အနည်းငယ်ဆိုးသေးသည်။ ဈေးသက်သာသည်ဆိုသော်ငြား ဒါတော့ မလိုချင်ပါ။

“ဒီမြေကွက်ဆို အမေကြိုက်မှာမဟုက်ဘူးဟ” ပြောရင်း ရုက်တရက် မြင်လိုက်ရသည့် မြင်ကွင်းက သူမ၏ အာရုံတို့ကို ထိန်းချုပ်သွားသည်။ မြင်ကွင်းကို အသေအချာစူးစိုက်ကြည့်မိတော့ မိသောင်း….သူမထိုင်ရှိခိုးရင်း ဆုတောင်းနေသည်က ဇရပ်ငယ်တစ်ခု။

“နတ်မင်းကြီးရယ် ကျွန်မသားလေးကို ပြန်ပေးပါရှင်” လက်အုပ်လေးချီဆုတောင်းနေသည့် မိသောင်း။ အသားအရည်တွေ မွဲခြောက်လို့။

မြင်မြင်ချင်းမမှတ်မိနိုင်အောင်ထိ ပြောင်းလဲနေလိုက်တာ။ သူငယ်ချင်းက “သွားအောင်လေ” ဟုခေါ်နေသည်ကိုပင် လက်ကာပြရင်း တွေ့ရာဆိုင်ဝင်ကာ မုန့်ဝယ်ရင်း မေးကြည့်မိတော့…..

“လွန်ခဲ့တဲ့သုံးရက်က သူ့ကလေးအခိုးခံလိုက်ရလို့လေ….”

“ရှင်……”

“သူက စိတ်ကသာမနှံ့တာ သူ့သားလေးကို အရမ်းချစ်တာ”

“အော်..အစ်မရယ် ကိုယ့်သွေးသားကိုး ချစ်ရှာမှာပေါ့”

“အဲဒါ ပျောက်တဲ့နေ့ကရော မနေ့ကရောထိုင်ပြီးဆုတောင်းနေတာလေ..ဒီနေ့လည်း မနက်မျက်လုံးနှစ်လုံးပွင့်ပြီဆိုတာနဲ့ ထိုင်ဆုတောင်းတော့တာပဲ လူတွေကလည်းကွယ် တော်တော်တရားမဲ့နေကြတယ် မိဘမေတ္တာကိုမှ မစာနာမညှာတာ ကလေးခိုးသွားရတယ်လို့ ဝဋ်လိုက်မှာ မကြောက်ဘူးလားမသိ”

“အင်း”…ကြားရတဲ့ စကားတို့ကြား မသက်မသာ လေပူတစ်ချက်မှုတ်ထုတ်ရင်း အိမ်ပြန်ခဲ့မိသည်လေ။

…

ထိုမိသောင်း ၊ ကလေးပျောက်၍ မပဋာမြေလူးဖြစ်နေသော မိသောင်းကို ကြည့်ရင်း တိတ်တစ်ဆိတ်တောင်းပန်နေသူတစ်ဦးရှိပါသေးသည်။

“မိသောင်းရယ် ဝဋ်ဆိုတာရှိရင်လည်း ငါခံပါ့မယ်…ငါ့သွေးသားကိုတော့ အရူးတစ်ယောက်လက်ထဲ မထားခဲ့နိုင်ဘူးဟာ….တောင်းပန်ပါတယ်မိသောင်းရယ်”

မိဘမဲ့ ကလေးထိန်းကျောင်းတစ်ခုရှေ့ချထားရာဝယ် ကလေးဘဝအတွက် လုံလုံလောက်လောက်မဖြစ်သော်ငြားသူတက်နိုင်သည့် ငွေကြေးတော့ သူပုံပေးခဲ့ပါသည်…။ ဘာပဲဖြစ်ဖြစ် ရူးနေတဲ့ လူတစ်ယောက်လက်ထဲမှာထက် ကလေးဘဝက ပို၍သာယာမည်၊ ကလေးရှေ့ရေး တိုးတက်ဖွယ်ရှိသည်ဟု သူတွေးမိပါသည်လေ။

………………………………………………..

မိသောင်း အရင်လိုမဟုက်တော့ပြီ။ သူမတို့ဘက် ရောက်တိုင်းလည်း အရင်လိုခေါ်တိုင်းမဝင်တော့။ လမ်းတစ်လျှောက်သာ တစ်စိုတ်မက်မက် သွားလို့။ မိသောင်းရှေ့ဝယ် တစ်နှစ်ကျော်ကလေးများတွေ့လို့ကတော့ မိသောင်း အပြေးသွားချေပြီ။ သူ့သားလေးမှတ်ထင်ကာ လက်ကို အတင်းဆွဲထားတတ်သည့် မိသောင်းကိုကြည့်ကာ ကလေးငယ်မှာ ကြောက်လို့။

ထိုကလေးငယ် ဘယ်နေရာမှာများရောက်နေမလဲ။ သိခွင့်ရှိမည်ဆိုလျှင် သိစမ်းချင်ပါသည်လေ။

…………………..

“မကြီးရယ် ထမင်းဖိုးလေးဟင်းဖိုးလေးများ စွန့်ကြဲခဲ့ပါ..သမီးမောင်လေးထမင်းမစားရသေးလို့ပါ”

မှတ်တိုင်နားသည့်ခဏဝယ် ကြားရသည့်အသံတို့ကြောင့် ပြတင်းပေါက်မှတစ်ဆင့် ထိုကလေးငယ်တို့ကို အသေအချာလိုက်ကြည့်ရင်း ရှာနေမိသည်က မိသောင်းသားလေးများ ပါလာမလားရယ်လို့။ ကြားဖူးသည်လေ။ ကလေးတစ်ချို့ ဖမ်းခံထိပြီး တောင်းစားခိုင်းတတ်တာမျိုးကို။ လက်ကလည်း အကြွေစတစ်ချို့ ထုတ်ပြီးသားဖြစ်သွားပြီ။ မိဘဆိုတာကိုရွေးချယ်ခွင့်မရသည့် ကလေးငယ်တို့အတွက် သူမ ဒီငွေအကြွေစလေးထုတ်ပေးလိုက်ရသည်မှာ ဘာမျှဖြစ်မသွားနိုင်ပါ။ ကလေးတို့အတွက်မူ………သက်ပြင်းတစ်ချက်ချရင်း သူတို့၏ မိခင်ဟုထင်ရသူထံလှမ်းကြည့်မိတော့ ပြုံးနေသည့်အပြုံးမှာ မသတီစရာ။

အဲ..ဟိုဘက်ကားလမ်းမှာ မိသောင်းရယ်။ တစ်နှစ်ကျော်အရွယ် ကလေးတစ်ယောက်၏ လက်ကို အတင်းဆွဲထားလေရဲ့။ သက်ပြင်းတစ်ချက်ချမိလိုက်ပြန်ပါသည်။ ဒီချိန်ဆို မိသောင်းကလေးက လေးနှစ်လောက်ရှိပြီပေါ့။ မိသောင်းရယ်…ကံအကြွေးတွေ ဒီဘဝမှာ ကုန်အောင်ဆပ်ပြီး နောက်ဘဝကျရင် ပြည့်စုံကုံလုံငြိမ်းချမ်းတဲ့ဘဝလေးနဲ့ မွေးဖွားလာနိုင်ပါစေကွယ်။ ဥာဏ်ပညာလေးလည်း ထွန်းတောက်ပြီးတော့ပေါ့။

လူတင်ပြီးသည့် ကားကြီးကလည်း ဝူးခနဲ မောင်းအထွက်…မိသောင်းဆီက အကြည့်တို့ ပြန်လွှဲကာ ခုံမှာထိုင်ချရင်း မျက်လုံးတို့ မှိတ်လိုက်မိပါပြီ။ နောက်ထပ် မှတ်တိုင်တွေမှာ ကြားရဦးမည့် အသံတစ်ချို့အတွက် ငွေအကြွေစတို့ကိုလည်း လက်ထဲမှာ ဆုပ်ကိုင်ထားရင်း……………………။

။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။။

ဘာကိုမှမသိချင်သူ

၎ သြဂတ်(စ်) ၂၀၁၁